hadson ki zad pe hain to muskurana chhoD den
zalzalon ke KHauf se kya ghar banana chhoD den
tum ne mere ghar na aane ki qasam khai to hai
aansuon se bhi kaho aankhon mein aana chhoD den
pyar ke dushman kabhi to pyar se kah ke to dekh
ek tera dar hi kya hum to zamana chhoD den
ghonsle viran hain ab wo parinde hi kahan
ek basere ke liye jo aab-o-dana chhoD den
Ghazal
Hadson ki zad pe hain to muskurana chhoD den
Waseem Barelvi