guzar gaya jo mere dil pe saneha ban kar
utar gaya wo meri ruh mein KHuda ban kar
tera KHayal shab-e-hijr phailta hi gaya
hazar rang ki sochon ka silsila ban kar
wafa ke sang se Takra ke ehtijaj-e-ana
salib-e-lab pe sisakne laga dua ban kar
badan ke dasht mein man ki hasin subhon ko
nikal raha hai gham-e-dahr azhdaha ban kar
kabhi to dip jalen gul khilen faza mahke
kabhi to aa shab-e-viran mein ratjaga ban kar
tamam umr jise DhunDte rahe 'aali'
kahin mila bhi agar wo to fasla ban kar
Ghazal
Guzar gaya jo mere dil pe saneha ban kar
Jaleel u0027Aaliu0027