gungon ko zaban kis ne di hai
aaKHir ye azan kis ne di hai
rakkha hai rawa ye zulm kis ne
zalim ko aman kis ne di hai
phulon ko asir kis ne rakkha
KHushiyon ko uDan kis ne di hai
manshur-e-hawa likha hai kis ne
miTTi ko uThan kis ne di hai
is dasht mein jit kis ki Thahri
is jang mein jaan kis ne di hai
maqruz hui hain meri aankhen
KHwabon ko takan kis ne di hai
Ghazal
Gungon ko zaban kis ne di hai
Athar Nasik