گلاب و ناز بو ہے یا سمن ہے

گلاب و ناز بو ہے یا سمن ہے
تری ہستی مجسم اک چمن ہے

تجھی سے ہے چمن کی زیب و زینت
تجھی سے سرخ لالے کا بدن ہے

تجھی سے دفتروں میں ہیں بہاریں
تجھی سے کرسیوں میں بانکپن ہے

تجھی سے گردنوں میں خم ہیں باقی
تجھی سے کند ماتھوں پر شکن ہے

تجھی سے رونقیں محفل بہ محفل
تجھی سے دل کشا ہر انجمن ہے

تجھی پر ختم ہے شیریں کلامی
تجھی سے آج زندہ علم و فن ہے

ترے ہاتھوں میں القصہ جہاں ہے
ترے قدموں پہ دھرتی کیا گگن ہے