Dulhan bhi agar ban ke aaegi raat

dulhan bhi agar ban ke aaegi raat
hamein be-tumhaare na bhaegi raat

hamein hijr mein KHun rulaegi raat
hamare lahu mein nahaegi raat

bahut KHwab-e-ghaflat mein din chaDh gaya
uTho sone walo phir aaegi raat

hum us se ziyaada siyah-baKHt hain
hamein tirgi kya dikhaegi raat

na Tale Talega ye roz-e-firaq
qasam aaj aane ke khaegi raat

'saKHi' aD ke baiThi hai ghar par mere
bas ab jaan hi le ke jaegi raat