diyon se aag jo lagti rahi makanon ko
mah o nujum jala den na aasmanon ko
mere qabile mein kya shahr bhar se mil dekho
koi bhi tir nahin deta be-kamanon ko
shikastagi ne gira din saron pe diwaren
muKHasimat thi makinon se kya makanon ko
ye sochta hun wo kya husn-kar tesha tha
jo aaise naqsh ata kar gaya chaTanon ko
yahi karegi kisi samt ka tayyun bhi
isi hawa ne to khola hai baadbanon ko
jahan ziden kiya karta tha bachpana mera
kahan se laun khilaunon ki un dukanon ko
Ghazal
Diyon se aag jo lagti rahi makanon ko
Azhar Inayati