din-bhar ki dauD raat ke auham waswase
ThanDi saloni sham ki KHush-bu mein Dhal gae
kirdar qatl karne lage log yun ki hum
apne hi ghar mein baiTh ke aawara ban gae
raqs-e-nasim-e-maut tha har-chand muKHtasar
dariya ke munh pe phir bhi uchhal aae aable
nazuk hai misl-e-mah magar surmai badan
ai jaan tujhe ye kis ne diye ghusl aag ke
Ghazal
Din-bhar ki dauD raat ke auham waswase
Shamsur Rahman Faruqi