دلبر بے باک سوں خوب نہیں بولنا
شوخ ستم ناک سوں خوب نہیں بولنا
دست میں خنجر پکڑ نکلا ہے وہ غصہ ور
ہاتھ کے چالاک سوں خوب نہیں بولنا
ابتر خوں ریز ہے قتل اوپر تیز ہے
ظالم و سفاک سوں خوب نہیں بولنا
اس کی جفا سیں تمام جگ میں پڑی دھوم دھام
ہم جم و ضحاک سوں خوب نہیں بولنا
مجھ سے رقیب و لعیں جیو میں رکھتا ہے کیں
اوس سگ ناپاک سوں خوب نہیں بولنا
بوالہوس زشت رو کرتا ہے نت گفتگو
مرد بے ادراک سوں خوب نہیں بولنا
مصرع مطلع سدا ورد کرے مبتلاؔ
دلبر بے باک سوں خوب نہیں بولنا
غزل
دلبر بے باک سوں خوب نہیں بولنا
عبید اللہ خاں مبتلا