dil ye kahta hai haar kar dekhen
KHud ko tujh mein utar kar dekhen
koi aata hai ya nahin aata
aaj KHud ko pukar kar dekhen
zindagi ke baghair bhi hum log
ek lamha guzar kar dekhen
hausla chahiye bikharne mein
aao KHud ko ghubar kar dekhen
tirgi ruh tak chali aai
raushni ka hisar kar dekhen
ghaib se aaegi hawa chal kar
mausam-e-gul pukar kar dekhen
Ghazal
Dil ye kahta hai haar kar dekhen
Moid Rashidi