dil pukara phans ke ku-e-yar mein
rok rakkha hai mujhe gulzar mein
farq kya maqtal mein aur gulzar mein
Dhaal mein hain phul phal talwar mein
lutf duniya mein nahin takrar mein
lekin un ke bosa-e-ruKHsar mein
tha jo shab ko saya-e-ruKHsar mein
tazgi kitni hai basi haar mein
fart-e-mayusi ne murda hasraten
dafn kar di hain dil-e-bimar mein
shad ho jati hai duniya ai rupe
kya karamat hai teri jhankar mein
aatish-e-ulfat ki dhaDkan baDh gai
gir paDa dil shola-e-ruKHsar mein
aah ke qabze mein hai tasir ya
tegh hai dast-e-alam-bardar mein
nashtar-e-mizhgan ki tezi ke sabab
ek kanTa hai dil-e-pur-KHar mein
aab-e-paikan pas hai lekin nasib
phir bhi KHushki hai lab-e-sofar mein
KHair ho 'parwin' dil-e-muztar mera
le chala phir kucha-e-dildar mein
Ghazal
Dil pukara phans ke ku-e-yar mein
Parveen Umm-e-Mushtaq