dil mein KHayalat-e-rangin guzarte hain jiyun boss phulon ke rangon mein rahiye
wahshat ke jangal mein kab lag pareshan ho gham ke bhaaron ke sangon mein rahiye
jo koi ki hai dasht wahshat ka sakin use hosh ke shahriyon se hai nafrat
ye diwangi ka nipaT KHub aalam hai zanjir ki ja ulangon mein rahiye
pindar-e-hasti sen wahmi KHayalon ne kasrat ki tohmat lagae hain nahaq
dar-asl mein josh-e-tufan-e-wahdat hai jiyun mauj-e-dariya umangon mein rahiye
is sarw-qamat ke josh-e-mohabbat mein az-bas ki aazad sab sen hua hun
manind-e-qumri badan kun laga ra kah yahu ke dam bhar malangon mein rahiye
nahaq 'siraj' aah-e-hasrat ki aatish sen har dam mein sau bar jumban sabab kiya
yakbar shoale pe girne ki tarhon kun malum karne patangon mein rahiye
Ghazal
Dil mein KHayalat-e-rangin guzarte hain jiyun boss phulon ke rangon mein rahiye
Siraj Aurangabadi