EN हिंदी
دل کو اس شوخ کے کوچہ میں دھرے آتے ہیں | شیح شیری
dil ko us shoKH ke kuche mein dhare aate hain

غزل

دل کو اس شوخ کے کوچہ میں دھرے آتے ہیں

میر حسن

;

دل کو اس شوخ کے کوچہ میں دھرے آتے ہیں
شیشہ خالی کیے اور اشک بھرے آتے ہیں

سرکشی دل نے سیہ چشم سے کیا کی ہے کہ جو
فوج غمزہ کی بندھے اس پہ پرے آتے ہیں

دل جو تو چاہے تو جا بزم میں اس کی ہم تو
دیکھ اس صورت مجلس کو ڈرے آتے ہیں

کشتۂ زہر غم ہجر نہیں تو تو حسنؔ
لخت دل کیوں ترے اشکوں میں ہرے آتے ہیں