din shaiKH o barhaman ne kiya yar faramosh
ye subha faramosh wo zunnar faramosh
dekha jo haram ko to nahin dair ki wusat
is ghar ki faza kar gaya meamar faramosh
bhule na mere dil se mera misra-e-jaan-kah
nala na kare murgh-e-giraftar faramosh
dil se na gai aah hawas sair-e-chaman ki
aur hum ne kiya raKHna-e-diwar faramosh
ya nala hi kar mana tu ya girye ko naseh
do chiz na aashiq se ho yak-bar faramosh
bhula phirun hun aap ko ek umr hai lekin
tujh ko na kiya dil se main zinhaar faramosh
dil dard se kis tarah mera KHali ho 'sauda'
wo nashunaw-e-harf mein guftar faramosh
Ghazal
Din shaiKH o barhaman ne kiya yar faramosh
Sauda Mohammad Rafi