Dekh lo rang gar mere til ke

dekh lo rang gar mere til ke
bhul jaoge rang jhilmil ke

ek ghazal kya suna di mahfil mein
ba-KHuda rah gae sabhi hil ke

tu muqallid tha aql walon ka
tu na samjha muamle dil ke

koi maqsad nahin hai milne ka
achchha lagta hai aap se mil ke

gul-badan kab tu un ko toDega
phul thakne lage hain khil khil ke

zaKHm kab is qadar numayan the
jis qadar ho gae hain sil sil ke