dam-e-aKHir ye shikwa kya na karta
tumhin batlao marta kya na karta
sahar ki sham se jun sham-e-giryan
jigar tha aab rota kya na karta
agar rahta na chup pesh-e-nakirain
main kya karta akela kya na karta
qaza ka Dar na hota gar bashar ko
KHuda jaane ye banda kya na karta
zaban hoti jo goya har sanam 'shad'
KHudawandi ka dawa kya na karta
Ghazal
Dam-e-aKHir ye shikwa kya na karta
Shad Lakhnavi