dagh husn-e-qamar bhi hota hai
aib rashk-e-hunar bhi hota hai
ishq ai husn be-basar hi sahi
ye haqiqat-nigar bhi hota hai
husn hota hai kuchh to husn-e-nazar
kuchh fareb-e-nazar bhi hota hai
toD Dale jo dil ka aaina
wahi aaina-gar bhi hota hai
duri-e-rang-o-bu hazar sahi
hijr paigham-bar bhi hota hai
hae tul-e-hayat-e-ishq 'sahab'
koi lamha basar bhi hota hai
Ghazal
Dagh husn-e-qamar bhi hota hai
Shiv Dayal Sahab