chalta nahin fareb kisi uzr-KHwah ka
dil hai baghal mein ya koi daftar gunah ka
ab kya lagega dil chaman-e-rozgar mein
mara hua hai dida-e-ibrat-nigah ka
duniya maqam-e-hu nazar aaegi na-gahan
TuTega jab tilism fareb-e-nigah ka
dil kaenat-e-ishq mein shahon ka shah hai
muKHtar-e-kul tamam safed o siyah ka
sabit hua kisi pe na jurm-e-wafa kabhi
parda khula na ishq-e-sarapa-gunah ka
Ghazal
Chalta nahin fareb kisi uzr-KHwah ka
Yagana Changezi