chaak chaak apna gareban na hua tha so hua
wahshat-e-dil ka jo saman na hua tha so hua
ya KHuda dair mein saman na hua tha so hua
kafir-e-ishq musalman na hua tha so hua
ruKH-e-anwar se main hairan na hua tha so hua
kabhi ai zulf pareshan na hua tha so hua
zulm-o-jaur ai shab-e-hijran na hua tha so hua
KHana-e-gor mein mehman na hua tha so hua
chashm-e-insaf se tufan na hua tha so hua
dil-e-'aKHtar' chamanistan na hua tha so hua
Ghazal
Chaak chaak apna gareban na hua tha so hua
Wajid Ali Shah Akhtar