bulandiyon pe zamane hai kya kiya jae
hamein bhi chand pe jaana hai kya kiya jae
wo jis ke samne khulte nahin hain lab mere
usi ko sher sunana hai kya kiya jae
hawas ki zad pe taDapti sisakti duniya mein
waqar apna bachana hai kya kiya jae
nikal paDa hai koi ghar se bijliyan le kar
mera chaman hi nishana hai kya kiya jae
bahaar se hi Dare baiThe hain chaman wale
abhi KHizan ko bhi aana hai kya kiya jae
Ghazal
Bulandiyon pe zamane hai kya kiya jae
Noorul Ain Qaisar Qasmi