bosida imaraat ko mismar kiya hai
hum logon ne har rah ko hamwar kiya hai
yun markazi kirdar mein hum Dube hain jaise
KHud hum ne Darame ka ye kirdar kiya hai
diwar ki har KHisht pe likkhe hain matalib
yun shahr ko aaina-e-izhaar kiya hai
binai mere shahr mein ek jurm hai lekin
har aankh ko rangon ne giraftar kiya hai
darpesh abad tak ka safar hai to badan ko
kyun bar-kash-e-saya-e-ashjar kiya hai
Ghazal
Bosida imaraat ko mismar kiya hai
Gulzar Vafa Chaudari