be-KHwab darichon mein kisi rang-mahal ke
fanus jalae hain umidon ne ghazal ke
yaadon ke daraKHton ki hasin chhanw mein jaise
aata hai koi shaKHs bahut dur se chal ke
dukh dard ke jalte hue aangan mein khaDa hun
ab kis ke liye KHalwat-e-jaanan se nikal ke
sochon mein dabe panw chale aate hain aksar
bichhDi hui kuchh sanwli shamon ke dhundalke
Ghazal
Be-KHwab darichon mein kisi rang-mahal ke
Khurshid Ahmad Jami