be-karan dasht-e-be-sada mere
aa khule bazuon mein aa mere
saf-shaffaf sabz farsh tera
gard-aluda dast o pa mere
sarkash o sar-buland baam tera
sar-nigun shahpar-e-hawa mere
be-sutun KHema-e-sabaat tera
mahw-e-sahra nuqush-e-pa mere
shab-e-hijran ki la-zawal teri
gham ki aamada-e-fana mere
dasht o dariya sabhi KHamosh hue
zamzama-sanj o ham-nawa mere
main payambar tera nahin lekin
mujh se bhi baat kar KHuda mere
ek ek tara jaanta hai mujhe
hain sabhi 'zeb' aashna mere
Ghazal
Be-karan dasht-e-be-sada mere
Zeb Ghauri