band kar le khiDkiyan yun raat ko bahar na dekh
Dubti aankhon se apne shahr ka manzar na dekh
kya pata zanjir mein Dhal jae bistar ki shikan
ye safar ka waqt hai ab jaanib-e-bistar na dekh
KHak o KHun miras teri KHak o KHun tera nasib
is ziyan-KHane mein apne panw ka chakkar na dekh
tu ne jo parchhaiyan chhoDin wo sahra ban gain
ai nigar-e-waqt ab pichhe kabhi muD kar na dekh
Ghazal
Band kar le khiDkiyan yun raat ko bahar na dekh
Shamim Hanafi