baDhi jo had se to sare tilism toD gai
wo KHush-dili jo dilon ko dilon se joD gai
abad ki rah pe be-KHwab dhaDkanon ki dhamak
jo so gae unhen bujhte jagon mein chhoD gai
ye zindagi ki lagan hai ki rat-jagon ki tarang
jo jagte the unhi ko ye dhun jhinjhoD gai
wo ek Tis jise tera nam yaad raha
kabhi kabhi to mere dil ka sath chhoD gai
ruka ruka tere lab par ajab suKHan tha koi
teri nigah bhi jise na-tamam chhoD gai
faraaz-e-dil se utarti hui nadi 'amjad'
jahan jahan tha hasin wadiyon ka moD gai
Ghazal
BaDhi jo had se to sare tilism toD gai
Majeed Amjad