بات کر دل ستی حجاب نکال
غنچۂ لب ستی گلاب نکال
شب ہجراں کی تیرگی کر دور
حسن تاباں کا آفتاب نکال
بیت ابرو کا درس دے مجھ کوں
فرد دیوان انتخاب نکال
بو الہوس بند عقدۂ غم ہے
زلف مشکیں سیں پیچ و تاب نکال
منحصر نہیں ہے گوشہ گیری پر
دل سیں یکسو ہو سب حساب نکال
تکیۂمخملی سرہانے رکھ
لیکن آنکھوں سیں اپنی خواب نکال
مستیٔ عشق گر تجھے ہے سراجؔ
شیشۂ چشم سیں شراب نکال
غزل
بات کر دل ستی حجاب نکال
سراج اورنگ آبادی