bare gham kuchh halka hota
ro lete to achchha hota
chand sitare mange hum ne
kuchh to aaKHir socha hota
panw tamazat mang rahe hain
sar ki KHwahish saya hota
kuchh rakkha hai in baaton mein
aisa hota waisa hota
main jo pa jata to tujh ko
ab tak bhul bhi baiTha hota
lutf-e-jawani luTa hum ne
dur-e-zaifi kis ka hota
kash ye lafz paron se hote
aur 'KHayal' parinda hota
Ghazal
Bare gham kuchh halka hota
Priyadarshi Thakur u0027Khayalu0027