amir-e-shahr se mil kar sazaen milti hain
is haspatal mein naqli dawaen milti hain
hum ek parTi mil kar chalo banate hain
ki teri meri bahut si KHataen milti hain
purani dilli mein dil ka lagana Thik nahin
na dhup aur na taza hawaen milti hain
ab un ka nam-o-nasab dusre batate hain
uruj milte hi kya kya adaen milti hain
kisi gharib ki imdad kar ke dekh kabhi
zara se kaam ki kitni duaen milti hain
Ghazal
Amir-e-shahr se mil kar sazaen milti hain
Haseeb Soz