ai sham-e-dil-afroz shab-e-tar-e-mohabbat
baKHshe hai yahi garmi-e-bazar-e-mohabbat
karte hain abas mujh dil-e-bimar ka darman
wabasta meri jaan se hai aazar-e-mohabbat
ai lala-ruKHan un ke tain dagh na samjho
phula hai mere sine mein gulzar-e-mohabbat
gar hum se chhupata hai tu 'bedar' wa-lekin
inkar hi tera hai ye iqrar-e-mohabbat
rahta hai meri jaan kahin ishq bhi pinhan
zahir hain teri shakl se aasar-e-mohabbat
Ghazal
Ai sham-e-dil-afroz shab-e-tar-e-mohabbat
Meer Mohammadi Bedar