اے جنوں دشت میں دیوار کہاں سے لاؤں

اے جنوں دشت میں دیوار کہاں سے لاؤں
میں تماشا سہی بازار کہاں سے لاؤں

یاد ایام کہ کچھ سر میں سمائی تھی ہوا
اب وہ ٹوٹا ہوا پندار کہاں سے لاؤں

کس سے پوچھوں کہ مرا حال پریشاں کیا ہے
تجھ کو اے آئنہ بردار کہاں سے لاؤں

میری ان آنکھوں نے جیسے تجھے دیکھا ہی نہیں
ہائے وہ حسرت دیدار کہاں سے لاؤں

ان نگاہوں میں ترسنے کی سی کیفیت ہے
طاقت پرسش بیمار کہاں سے لاؤں

اب مرے کفر کو ایماں نہیں کہتا کوئی
تجھ کو اے چشم طرفدار کہاں سے لاؤں

تھا یہ گھر باب دعا مثل اثر تیرا ورود
اب تجھے اے قدم یار کہاں سے لاؤں