ai aasman karam itna zamin par kar de
sameT le sabhi tarikiyan sahar kar de
kisi se qissa-e-shahr-e-tilism kah na sakun
ilahi be-his-o-be-nutq-o-be-basar kar de
tamam-umr hum ek dusre se mil na saken
safar judai ka itna tawil-tar kar de
hanuz chir-haran ka hai silsila jari
koi krishn-kanhaiya ko ye KHabar kar de
ye KHushbuon ki qaba gul ki chhanw us ke liye
'munir' ke liye maKHsus dopahar kar de
Ghazal
Ai aasman karam itna zamin par kar de
Muneer Saifi