achanak kis ko yaad aai hamari
kahani kis ne dohrai hamari
chalo aaya na aaya jaane wala
sada to lauT kar aai hamari
guzishta shab hawa se guftugu ki
charaghon ne qasam khai hamari
nazar aaya hai wo bimar apna
khuli jis par masihai hamari
teri KHushbu se hai aabaad ab tak
ye bagh-e-dil ye angnai hamari
zamin aabaad hoti ja rahi hai
kahan jaegi tanhai hamari
Ghazal
Achanak kis ko yaad aai hamari
Kashif Husain Ghair