ab nahin koi Thikana apna
dost hai tu na zamana apna
chahaten hain na wo yaaden baqi
luT gaya hae KHazana apna
apna hamdard na munis koi
aaj dushman hai zamana apna
thi kabhi shahar mein us ki shohrat
sab se uncha tha gharana apna
ruThna hum se wo us ka pal pal
har ghaDi us ko manana apna
phir hui us ki tamanna paida
phir kaha dal ne na mana apna
shairi ne kiya ruswa 'KHusraw'
ho gaya aam fasana apna
Ghazal
Ab nahin koi Thikana apna
Firoz Khusro