ab kisi KHwab ki tabir nahin chahta main
koi surat pas-e-taswir nahin chahta main
chahta hun ki rifaqat ka bharam rah jae
ahd-o-paiman ki tafsir nahin chahta mein
hukm sadir hai to nafiz bhi karo mere huzur
faisle mein koi taKHir nahin chahta main
chahta hun tujhe guftar se qail kar lun
baat mein lahja-e-shamshir nahin chahta main
muddaa hai ki mera haq mujhe wapas mil jae
tere ajdad ki jagir nahin chahta main
Ghazal
Ab kisi KHwab ki tabir nahin chahta main
Ahmad Ashfaq