aao baiTho hanso maza ho
kuchh to farmao kyun KHafa ho
lau shama ki bujhne ko hai ai gul
mahfil mein na koi dil jala ho
dil ka dukhna usi se kahiye
jo dard ki qadr jaanta ho
shisha talwon mein chubh na jae
Thukraate ho dil ko kaj-kulaho
bahki bahki hon us ki baaten
saqi saqi pukarta ho
ujli ujli si chandni mein
gora gora badan khula ho
Ghazal
Aao baiTho hanso maza ho
Lala Madhav Ram Jauhar