aana usi ka bazm se jaana usi ka hai
kis ko pata nahin ki zamana usi ka hai
ai matla-e-malal hamare liye bhi kuchh
taron bhari ye raat KHazana usi ka hai
is ghar mein koi chiz kisi aur ki nahin
ye phul ye charagh fasana usi ka hai
ek ahd kar liya tha kabhi bhul-chuk mein
sanson ka ye wabaal bahana usi ka hai
ab is gali ke moD se aage na jaenge
kahte hain aas-pas Thikana usi ka hai
Ghazal
Aana usi ka bazm se jaana usi ka hai
Shamim Hanafi