aaj phir dasht koi aabla-pa mange hai
KHar bhi tazgi-e-rang-e-hina mange hai
zabt-e-gham dast-ras-e-ah-e-rasa mange hai
ye andhera tere aariz ki ziya mange hai
jaan-dahi tishna-labi aabla-pai be-sud
dasht-e-ghurbat to kuchh is ke bhi siwa mange hai
phunk raha hai gham-e-hasti se wajud-e-insan
zindagi ab tere daman ki hawa mange hai
aap chupke se use zahr ka piyala de den
jo riwayat se baghawat ka sila mange hai
chand sine se lagae hai mera naqsh-e-qadam
aur suraj meri sanson ki sada mange hai
Ghazal
Aaj phir dasht koi aabla-pa mange hai
Bakhtiyar Ziya