aaj dil be-qarar hai kya hai
dard hai intizar hai kya hai
jis se jalta hai dil jigar wo aah
shoala hai ya sharar hai kya hai
ye jo khaTke hai dil mein kanTa sa
mizha hai nok-e-KHar hai kya hai
chashm-e-bad-dur teri aankhon mein
nashsha hai ya KHumar hai kya hai
mere hi nam se KHuda jaane
nang hai us ko aar hai kya hai
jis ne mara hai dam dil pe mere
KHat hai ya zulf-e-yar hai kya hai
kyun gareban tera aaj 'hasan'
is tarah tar-tar hai kya hai
Ghazal
Aaj dil be-qarar hai kya hai
Meer Hasan