aaina tumhaare naqsh-e-pa ka
KHurshid ko de sabaq jila ka
o wasl mein munh chhupane wale
ye bhi koi waqt hai haya ka
jab aankh khuli to be-KHudon se
parda tha jamal-e-KHud-numa ka
dil aur wo but zahe muqaddar
zulm aur ye dil ghazab KHuda ka
ja baiThe hain mujh se dur uTh kar
kya pas kiya hai iltija ka
bole wo 'hasan' ka KHun mal kar
kya shoKH hai rang is hina ka
Ghazal
Aaina tumhaare naqsh-e-pa ka
Hasan Barelvi