aabshaaron ki yaad aati hai
phir kinaron ki yaad aati hai
jo nahin hain magar unhin se hun
un nazaron ki yaad aati hai
zaKHm pahle ubhar ke aate hain
phir hazaron ki yaad aati hai
aaine mein nihaar kar KHud ko
kuchh ishaaron ki yaad aati hai
aur to mujh ko yaad kya aata
un pukaron ki yaad aati hai
aasman ki siyah raaton ko
ab sitaron ki yaad aati hai
Ghazal
Aabshaaron ki yaad aati hai
Kumar Vishwas