kyun pasheman ho agar wada wafa ho na saka
kahin wade bhi nibhane ke liye hote hain

Ibrat Machlishahri

---

---

ab tum kabhi na aaoge yani kabhi kabhi
ruKHsat karo mujhe koi wada kiye baghai

Jaun Eliya

---

---

subut hai ye mohabbat ki sada-lauhi ka
jab us ne wada kiya hum ne e'tibar kiya

Josh Malihabadi

---

---

ek ek baat mein sachchai hai us ki lekin
apne wadon se mukar jaane ko ji chahta hai

Kafeel Aazar Amrohvi

---

---

aap ne jhuTa wada kar ke
aaj hamari umr baDha di

Kaif Bhopali

---

---

aap to munh pher kar kahte hain aane ke liye
wasl ka wada zara aankhen mila kar kijiye

Lala Madhav Ram Jauhar

---

---

wada nahin payam nahin guftugu nahin
hairat hai ai KHuda mujhe kyun intizar hai

Lala Madhav Ram Jauhar

---

---