aur kuchh der sitaro Thahro
us ka wada hai zarur aaega

Ehsan Danish

---

---

tere wadon pe kahan tak mera dil fareb khae
koi aisa kar bahana meri aas TuT jae

Fana Nizami Kanpuri

---

---

na koi wada na koi yaqin na koi umid
magar hamein to tera intizar karna tha

no promise,surety, nor any hope was due
yet I had little choice but to wait for you

Firaq Gorakhpuri

---

---

aadatan tum ne kar diye wade
aadatan hum ne e'tibar kiya

Gulzar

---

---

kis munh se kah rahe ho hamein kuchh gharaz nahin
kis munh se tum ne wada kiya tha nibah ka

Hafeez Jalandhari

---

---

ab to kar Daliye wafa us ko
wo jo wada udhaar rahta hai

Ibn-e-Mufti

---

---

as ek bar hi toDa jahan ne ahd-e-wafa
kisi se hum ne phir ahd-e-wafa kiya hi nahin

Ibrahim Ashk

---

---