har TuTe hue dil ki Dhaaras hai tera wada
juDte hain isi mai se darke hue paimane

Arzoo Lakhnavi

---

---

phir chahe to na aana o aan ban wale
jhuTa hi wada kar le sachchi zaban wale

Arzoo Lakhnavi

---

---

dekhiye ahd-e-wafa achchha nahin
marna jina sath ka ho jaega

Asad Bhopali

---

---

hulne wale ko shayad yaad wada aa gaya
mujh ko dekha muskuraya KHud-ba-KHud sharma gaya

Asar Lakhnavi

---

---

jhuTe wadon par thi apni zindagi
ab to wo bhi aasra jata raha

Aziz Lakhnavi

---

---

tujh ko dekha tere wade dekhe
unchi diwar ke lambe sae

Baqi Siddiqui

---

---

sawal-e-wasl par kuchh soch kar us ne kaha mujh se
abhi wada to kar sakte nahin hain hum magar dekho

Bekhud Dehlvi

---

---