wo phir wada milne ka karte hain yani
abhi kuchh dinon hum ko jina paDega

Aasi Ghazipuri

---

---

andh kar ahd-e-wafa koi gaya hai mujh se
ai meri umr-e-rawan aur zara aahista

Adeeb Saharanpuri

---

---

wada kiya hai ghair se aur wo bhi wasl ka
kulli karo huzur hua hai dahan KHara

Ahmad Husain Mail

---

---

in wafadari ke wadon ko ilahi kya hua
wo wafaen karne wale bewafa kyun ho gae

Akhtar Shirani

---

---

kiya hai aane ka wada to us ne
mere parwardigar aae na aae

Akhtar Shirani

---

---

mujhe hai e'tibar-e-wada lekin
tumhein KHud e'tibar aae na aae

Akhtar Shirani

---

---

wo un ka wada wo ifa-e-ahd ka aalam
ki yaad bhi nahin aata hai bhulta bhi nahin

Alam Muzaffar Nagari

---

---