وہ پھر وعدہ ملنے کا کرتے ہیں یعنی
ابھی کچھ دنوں ہم کو جینا پڑے گا

آسی غازی پوری

---

---

باندھ کر عہد وفا کوئی گیا ہے مجھ سے
اے مری عمر رواں اور ذرا آہستہ

ادیب سہارنپوری

---

---

وعدہ کیا ہے غیر سے اور وہ بھی وصل کا
کلی کرو حضور ہوا ہے دہن خراب

احمد حسین مائل

---

---

ان وفاداری کے وعدوں کو الٰہی کیا ہوا
وہ وفائیں کرنے والے بے وفا کیوں ہو گئے

اختر شیرانی

---

---

کیا ہے آنے کا وعدہ تو اس نے
مرے پروردگار آئے نہ آئے

اختر شیرانی

---

---

مجھے ہے اعتبار وعدہ لیکن
تمہیں خود اعتبار آئے نہ آئے

اختر شیرانی

---

---

وہ ان کا وعدہ وہ ایفائے عہد کا عالم
کہ یاد بھی نہیں آتا ہے بھولتا بھی نہیں

عالم مظفر نگری

---

---