ہر ٹوٹے ہوئے دل کی ڈھارس ہے ترا وعدہ
جڑتے ہیں اسی مے سے درکے ہوئے پیمانے

آرزو لکھنوی

---

---

پھر چاہے تو نہ آنا او آن بان والے
جھوٹا ہی وعدہ کر لے سچی زبان والے

آرزو لکھنوی

---

---

دیکھیے عہد وفا اچھا نہیں
مرنا جینا ساتھ کا ہو جائے گا

اسد بھوپالی

---

---

بھولنے والے کو شاید یاد وعدہ آ گیا
مجھ کو دیکھا مسکرایا خود بہ خود شرما گیا

اثر لکھنوی

---

---

جھوٹے وعدوں پر تھی اپنی زندگی
اب تو وہ بھی آسرا جاتا رہا

عزیز لکھنوی

---

---

تجھ کو دیکھا ترے وعدے دیکھے
اونچی دیوار کے لمبے سائے

باقی صدیقی

---

---

سوال وصل پر کچھ سوچ کر اس نے کہا مجھ سے
ابھی وعدہ تو کر سکتے نہیں ہیں ہم مگر دیکھو

بیخود دہلوی

---

---