jaan-lewa thin KHwahishen warna
wasl se intizar achchha tha

Jaun Eliya

---

---

use KHabar hai ki anjam-e-wasl kya hoga
wo qurbaton ki tapish fasle mein rakhti hai

Khalid Yusuf

---

---

wasl ki raat hai bigDo na barabar to rahe
phaT gaya mera gareban tumhaara daman

Khwaja Mohammad Vazeer Lakhnavi

---

---

mere sawal-e-visal par tum nazar jhuka kar khaDe hue ho
tumhin batao ye baat kya hai sawal pura jawab aadha

Kunwar Mahendra Singh Bedi Sahar

---

---

aap to munh pher kar kahte hain aane ke liye
wasl ka wada zara aankhen mila kar kijiye

Lala Madhav Ram Jauhar

---

---

arman wasl ka meri nazron se taD ke
pahle hi se wo baiTh gae munh bigaD ke

Lala Madhav Ram Jauhar

---

---

atao kaun si surat hai un se milne ki
na us taraf unhen fursat na hum idhar KHali

Lala Madhav Ram Jauhar

---

---