har ishq ke manzar mein tha ek hijr ka manzar
ek wasl ka manzar kisi manzar mein nahin tha
Aqeel Abbas Jafri
kabhi mauj-e-KHwab mein kho gaya kabhi thak ke ret pe so gaya
yunhi umr sari guzar di faqat aarzu-e-visal mein
Asad Badayuni
hala hum mile bhi to kya mile wahi duriyan wahi fasle
na kabhi hamare qadam baDhe na kabhi tumhaari jhijak gai
Bashir Badr
umid-e-wasl ne dhoke diye hain is qadar 'hasrat'
ki us kafir ki han bhi ab nahin malum hoti hai
Chiragh Hasan Hasrat
shab-e-wasl ki kya kahun dastan
zaban thak gai guftugu rah gai
Dagh Dehlvi
shab-e-visal hai gul kar do in charaghon ko
KHushi ki bazm mein kya kaam jalne walon ka
Dagh Dehlvi
aur bhi dukh hain zamane mein mohabbat ke siwa
rahaten aur bhi hain wasl ki rahat ke siwa
sorrows other than love's longing does this life provide
comforts other than a lover's union too abide
Faiz Ahmad Faiz