تم نظر کیوں چرائے جاتے ہو
جب تمہیں ہم سلام کرتے ہیں

آبرو شاہ مبارک

---

---

تمہارے دل میں کیا نامہربانی آ گئی ظالم
کہ یوں پھینکا جدا مجھ سے پھڑکتی مچھلی کو جل سیں

آبرو شاہ مبارک

---

---

ہر ایک بات کے یوں تو دیے جواب اس نے
جو خاص بات تھی ہر بار ہنس کے ٹال گیا

احمد راہی

---

---

اس نے سن کر بات میری ٹال دی
الجھنوں میں اور الجھن ڈال دی

عزیز حیدرآبادی

---

---

پڑھے جاؤ بیخودؔ غزل پر غزل
وہ بت بن گئے ہیں سنے جائیں گے

بیخود دہلوی

---

---

سن کے ساری داستان رنج و غم
کہہ دیا اس نے کہ پھر ہم کیا کریں

بیخود دہلوی

---

---

انہیں تو ستم کا مزا پڑ گیا ہے
کہاں کا تجاہل کہاں کا تغافل

بیخود دہلوی

---

---