main safar mein hun magar samt-e-safar koi nahin
kya main KHud apna hi naqsh-e-kaf-e-pa hun kya hun

Akhtar Saeed Khan

---

---

abhi safar mein koi moD hi nahin aaya
nikal gaya hai ye chup-chap dastan se kaun

Akhtar Shumar

---

---

Tilism-e-KHwab-e-zuleKHa o dam-e-barda-farosh
hazar tarah ke qisse safar mein hote hain

Aziz Hamid Madni

---

---

kabhi meri talab kachche ghaDe par par utarti hai
kabhi mahfuz kashti mein safar karne se Darta hun

Fareed Parbati

---

---

nahin hoti hai rah-e-ishq mein aasan manzil
safar mein bhi to sadiyon ki masafat chahiye hai

Farhat Nadeem Humayun

---

---

safar mein koi kisi ke liye Thaharta nahin
na muD ke dekha kabhi sahilon ko dariya ne

Farigh Bukhari

---

---

wo lutf uThaega safar ka
aap-apne mein jo safar karega

Ghamgeen Dehlvi

---

---