na ji bhar ke dekha na kuchh baat ki
baDi aarzu thi mulaqat ki

Bashir Badr

---

---

na udas ho na malal kar kisi baat ka na KHayal kar
kai sal baad mile hain hum tere nam aaj ki sham hai

Bashir Badr

---

---

har mulaqat ka anjam judai tha agar
phir ye hangama mulaqat se pahle kya tha

Ejaz Gul

---

---

tere milap bin nahin 'faez' ke dil ko chain
jyun ruh ho basa hai tu us ke badan mein aa

Faez Dehlvi

---

---

kya kahun us se ki jo baat samajhta hi nahin
wo to milne ko mulaqat samajhta hi nahin

Fatima Hasan

---

---

muddaten guzrin mulaqat hui thi tum se
phir koi aur na aaya nazar aaine mein

Haneef Kaifi

---

---

munhasir waqt-e-muqarrar pe mulaqat hui
aaj ye aap ki jaanib se nai baat hui

Hasrat Mohani

---

---